Kabous
Entrance: The entrance fee is JUST R3 per person!
Date: 16 August 2026
Times:
Information: Time: Between 14h00 – 16h00! Kabous is gebore in Alberton en matrikuleer by Hoërskool
Alberton in 2012. Hy het sy liefde vir musiek ontwikkel toe hy nog 'n tiener
was. Daar en dan het hy besluit om sy passie vir drama en musiek te volg en
kitaarlesse te neem. Saam met hierdie passie het hy 'n liefde vir die verhoog
en vir mense ontdek. Na skool gaan studeer hy Drama en Film by TUT (Tshwane
University of Technology). In 2016 kwalifiseer hy met 'n Nasionale Diploma en
in 2017 met 'n B-Tech Graad in Drama en Film. In sy universiteitsjare was hy
betrokke by Aardklop met 'n produksie genaamd "Code". Hy was ook deel
van verskeie verhoogproduksies tydens sy studies. In hierdie tyd het sy liefde vir skryf ontwikkel. Hy het ook
sy aandag na kinderteater gedraai waar hy vir What Walrus as 'n
kindervermaaklikheidsagent gewerk het. In sy studiejare spesialiseer hy in
kinderteater, sang en stemwerk. Hy beoordeel landswyd by verskeie kunswedstryde naamlik
Artisticulta, Die Poort Kunstefees, Dell Arte, Nova Arte en Rise To Fame, om
net 'n paar te noem. Kabous se eerste solo-album, Wonder, is in Oktober
2018 vrygestel. In 2022 stel hy sy tweede album, Jy Weet, vry. In 2019
jaag hy steeds sy musiek- en teaterloopbaan na en tree hy op as sanger by
feeste en funksies. Hy besluit toe in 2019 om sy tas te pak en te verhuis na
Dalian, China. Hy werk daar as drama-, musiek- en Engelse onderwyser. In 2022
besluit hy om huiswaarts te keer om sy musiekloopbaan voltyds na te jaag.
Sedert sy terugkeer het hy reeds by verskeie funksies en feeste opgetree. In 2025 word hy geteken deur David Gresham Platemaatskappy
met sy enkelsnit "Zammalekker". In dieselfde jaar skryf hy vir
die Blou Bulle 'n temalied, "Bul is in ons bloed", asook "BraaiVibe"
vir elke man wat lief is om 'n vuurtjie aan te steek. Hy stel sy nuutste enkelsnit, "Sing
Hallelujah!", in Oktober 2025 vry waar hy eer betoon aan God vir Sy
goedheid en guns oor hom en sy geliefdes se lewens.
Kabous is 'n passievolle mens en glo dat resultate slegs
deur harde werk en geloof bereik kan word. Hy is lief vir musiek en ondersteun
ander kunstenaars waar hy moontlik kan. Hy is ook lief vir troeteldiere en om
nuwe kulture en lande te verken. Hy glo dat kunstenaars mekaar moet help en
ondersteun en dat eerlikheid en nederigheid belangrike waardes is. Hy hoop dat
almal se paaie met voorspoed, geloof en liefde sal kruis.